Për internet të gatshëm të heqin dorë nga kafja dhe seksi për një vit

Nga çka jeni në gjendje të hiqni dorë për shkak të internetit? Sipas hulumtimit të Boston Consulting Group, më shumë se dy të tretat e amerikanëve do të hiqnin dorë nga kafja, ndërsa 21 për qind nga seksi për një vit vetëm për të vazhduar surfimin në internet, përcjell Bloomberg.

“Interneti është bërë si rryma apo uji”, ka thënë Dominic Field, një nga autorët e hulumtimit.

Në atmosferë të tillë nuk është çudi që vlera e ekonomisë së internetit të vendeve të grupit G-20 deri në vitin 2016 do të arrijë 4,2 bilionë dollarë, çka është 1,7 herë më shumë herë se vlera e vlerësuar në vitin e kaluar. Numri i përdoruesve të internetit në botë deri në këtë vit duhet të rritet në tre miliardë – për krahasim në vitin 2010 kishte 1,9 miliardë. Po të ishte fjala për shtet, ekonomia e internetit do të ishte në mes pesë më të fortave, pas SHBA-së, Kinës, Japonisë, dhe para Gjermanisë, ka zbuluar hulumtimi.

Amerikanët akoma japin kontributin më të madh për afarizmin e internetit, por ky kontribut është në rënie – për shembull, ekonomia amerikane e internetit rritet më ngadalë se ajo britanike. Derisa SHBA tani mban rreth një të tretën e ekonomisë globale të internetit, deri në vitin 2016, kjo përqindje do të reduktohet në një të katërtën, ka thënë Field.

mire qenkan tia bo..............