Fëmijët e Beckhamëve kanë bendin e tyre

nga Emona Sat 14 Apr 2012 - 8:32

Brooklyn (12) luan kitarë, Romeo (8) në bateri, ndërsa Kruz (6) vallëzon breakdance. Edhe pse ata nuk kanë frikë nga mikrofoni, bendit ende i mungon vokalisti kryesor.

Të tre bijtë e David dhe Victoria Beckhamit: Brooklyn, Romeo dhe Cruz, e kanë bendin e tyre dhe i adhurojnë hitet e grupit legjendar britanik, “Beatles”.

Brooklyn (12) luan në kitarë, Romeo (8) në bateri, ndërsa Cruz (6), i cili ka një kohë që shkon në balet është i ngarkuar me detyrën e vallëzimit.

"Walk Like A Man" është kënga e tyre e preferuar nga muzikali Jersye Boys. Cruz është shumë i mirë në breakdance dhe kërcen edhe në kokë”, ka thënë Victoria.

Edhe pse djemtë nuk kanë frikë nga mikrofoni, u mungon vokalisti kryesor.

“Unë do të doja të thosha se dashurinë ndaj muzikës e kanë trashëguar nga unë, por jo. Por, kanë sens të mirë edhe për modën, të cilën e kanë trashëguar prej meje”, mburret Victoria.

Ndërsa dy vite më parë reperi i mirënjohur amerikan, Snoop Dogg ka kërkuar nga çifti Beckham, që me rastin e festave të fundvitit, ta lejojnë atë të këndojë një këngë së bashku me dy djemtë e tyre, Brooklyn dhe Romeo, gjë të cilën ata nuk e lejuan për shkaqe ende të panjohura.