Medikamentet për dobësim, të rrezikshme deri në vdekje

Kohëve të fundit , po përdoren shumë tabletat dhe produkte të tjera të quajtura bimore për të rënë në peshë. Këto produkte janë bërë “moderne” edhe në Shqipëri, Kosovë e Maqedoni.

Për ata që I konsumojnë, mund të ju duken medikamente magjike, të cilat për pak kohë heqin dhjamin dhe zvogëlojnë masen e rrobave, dhe të bëjnë të dukesh shumë më bukur.

Por këto medikamente që nga prodhuesit quhen bimore, kanë dhe një anë tjetër të “errët”.

Organizmi më i lartë kontrollues i tregut të barnave dhe ushqimeve në SHBA FDA , nxjerr alarmin dhe shpjegon: Tableta dhe integratorë të tillë nuk ekzistojnë, nuk i duhet besuar publicitetit që premton gjithë këto rezultate, por mbi të gjitha duhet treguar kujdes për përmbajtjen e këtyre çajrave a tabletave, shpesh të reklamuara si ‘bimore’.

FDA shpjegon se këto produkte nuk janë integratorë ushqyes të ligjshëm. Janë në fakt disa barna shumë të fuqishme të maskuar nga produkte natyrale ose ‘me bazë bimore’ dhe përbëjnë rrezik për shëndetin e konsumatorëve të shumtë, fatkeqësisht nuk janë të pakta rastet që kanë çuar në vdekje.

Në disa produkte të tilla, të shitura si integratorë, janë zbuluar substanca të dëmshme të fshehura, përfshi lëndë të ndaluara për ndikimin në presionin e gjakut ose akoma të pa aprovuara nga SHBA-të.

Për këtë FDA u ka bërë një apel konsumatorëve në të gjithë botën që të jenë të kujdesshëm e të zgjedhin produktet e duhura e nën udhëheqjen mjekësore.

eh ku ka me mir sesa te besh aktivitet sportiv sepse kjo esht menyra me e shendetshme per trupin e njeriut sesa ta vrasesh veten me durt e tuja