Familja më e moshuar në botë

Familja italiane Melis ka hyrë në rekordet “Guinness” si familja me vëllezërit dhe motrat më jetëgjata në botë. Dje ishte ditëlindja e 105-të e Konsolata Melis. Ajo, vëllezërit dhe motrat e saj bëjnë së bashku 818 vjeç dhe jetojnë në të njëjtin fshat në ishullin e Sardenjës, i famshëm për jetëgjatësinë e jashtëzakonshme. Konsolata ka nëntë fëmijë, 24 nipër e mbesa, 25 stërnipër e stërmbesa dhe stër-stërnipër dhe i ka jetuar që të dyja luftërat botërore, ka kaluar nëntë Papate dhe 50 kryeministra italianë. Konsolata është më e madhja e gjashtë motrave dhe tre vëllezërve të familjes Melis nga fshati Perdasdefogu në cepin juglindor të Sardenjës, një rajon autonom në Itali, në të cilin jetojnë disa nga njerëzit më të moshuar në botë. Konsolata pasohet nga motra e saj Klaudinam, e cila mbush 100 vjeç, Maria me moshë 97 vjeçe, Antonino 93 vjeç, Konçeta 91 vjeçe, Adolfi 89 vjeç, Vitalio 86 vjeç, Fida Vitalia 81 vjeçe dhe më e reja, Mafalda, 78 vjeçe. Vëllezërit dhe motrat shprehen të gjithë se sekreti i jetëgjatësisë së tyre është puna dhe jeta përreth 150 fëmijëve, nipërve e stërnipërve, si dhe shumë supë minestrone. “Ne hamë ushqim të freskët, pak mish dhe punojmë shumë”, janë shprehur ata për “Guardian”./panorama/

oj non kto mbushkan 1 lagje me njerez te ton..