Nuk do të bëhem nënë, lotët e vuajtjes

Unë jam një vajzë 24 vjeçe dhe jam fëmija i vetëm i nënës, pasi babai më ka
vdekur. Jam një tip i qetë, besimtare praktikante dhe falë përpjekjeve
dhe mundit arrita ta përfundoj fakultetin e mjekësisë. Të gjithë më
vlerësojnë për logjikën e shëndoshë dhe për edukatën time.


Ajo që më ka ndodhur, është se pasi u diplomova u sëmura dhe pas një vizite
tek doktoresha, mu tha se kisha tumor në mitër, i cili duhej hequr
patjetër. Bazuar edhe në studimet e mia dhe informacionin që kisha për
këtë problem, vendosa ti nënshtrohem operacionit. Alternativë tjetër
përveç operacionit nuk kisha dhe ashtu ndodhi.

Tre javë më pas, fillova të vërej nënën e cila qante herë pas here. Kur e
pyeta mbi shkakun, ajo më tha se gjatë operacionit doktoresha vuri re se
tumori mund të përhapej. Pasi ia kishte paraqitur këtë problem nënës
time, kjo e fundit kishte pranuar që të më hiqej mitra dhe ashtu kishte
ndodhur. Megjithatë, doktoresha kishte lënë vezoren pa e hequr.

Lajmi që nuk do të mund të lind dhe të bëhem nënë më tronditi. E kush ishte
ai djalë që do më pranonte si bashkëshorte ndërkohë që unë nuk mund ti
fal fëmijë?! Kam qarë shumë dhe nuk e di si do e kaloj pjesën tjetër të
jetës. Tashmë nuk më ka mbetur ndonjë objektiv në jetë, fle shumë pasi
më duket sikur i shmangem jetës. Më duket sikur më kanë shteruar të
gjithë energjitë.

Nëna ime e shkretë orvatet të më ngushëllojë dhe të më japë zemër, se ky ka
qenë fati im, se kështu është shkruar. Por lëmshi që më është mbledhur
në fyt nuk di si ta zgjidh. Çfarë ti them atij djali që do të vijë të
trokasë në derën time? Madje, mund të them se e refuzoj dhe idenë e
martesës. Kushdo që do kërkojë dorën time, me ta marrë vesh se nuk lind,
do të tërhiqet. Sipas doktoreshës, vendimi për të hequr mitrën ishte
alternativa më e mirë.

Prej jush kërkoj një këshillë dhe diçka motivuese, pasi sinqerisht gjendem në një situatë të rëndë

A mendon vërtet se vlera e një femre, qëndron vetëm në aftësinë e saj për
tu bërë nënë? Të qenit nënë, është vetëm një pjesë e rëndësishme nga
jeta e një femre, edhe pse është një nga misionet e saj të rëndësishme.

me vjen shum keq;ku ka gje me te keqe sesa nje femer mos te linde;sesa nje femer mos tprtek krijesen e saj me dor,ta laj ta ushqeje e ta edukoj ashtu sic duhet;me lot te ben ky shkrim teksa e lexon;shum shum e tmerrshme;kurajo vajz e dashur se me guxim arrihet gjithshka