150 vjetori i lindjes së shkrimtarit nobelist Moris Meterling

Moris Meterling, shkrimtar belg, lindi më 29 gusht 1862 në Ghent, Belgjikë, në një familje ku flitej frëngjisht. Më 1874 u dërgua në kolegjin jezuit të San Barbe dhe përvojat e tij në këtë shkollë shkaktuan neverinë e tij ndaj Kishës Katolike dhe feve të organizuara.

Më 1885 mbaroi studimet për drejtësi në Universitetin e Ghentit dhe kaloi disa muaj në Paris, ku u njoh me anëtarë të lëvizjes së simbolizmit të ri, që do kishin një ndikim të madh në veprat e tij të mëvonshme.

U bë i famshëm me dramën e tij të parë “Princesha Malein”, që do ta ndiqnin një seri dramash simboliste, të karakterizuara nga fatalizmi dhe misticizmi: “Intruder” (Njeri i bezdisshëm), 1890, “The Blind” (I Verbri) 1890 dhe “Peleas dhe Melisande” (1892). Prej 1895-1918 kishte marrëdhënie me këngëtaren dhe aktoren Xhorxhetë Leblank, që ndikoi në veprat e tij gjatë dy dhjetëvjeçarëve dhe mishëroi karakteret femërore të veprave të tij në skenë. Me Leblank kaloi një periudhë në Normandi, ku botoi edhe “12 këngët” 1896, “Thesari i Modestit” 1896, “Jeta e bletës” 1901 dhe “Ariadne dhe Bluebird” 1902.

Më 1906 shkoi në Grase, Francë dhe gjatë qëndrimit atje, shkroi esenë “Inteligjenca e luleve” 1906, “Marie-Victorie” 1907 dhe “Mari Magdalena” 1910. Më 1910 u takua me aktoren 18 vjeçare Rene Dahon, me të cilën do të martohej më 1919. U nderua me çmimin Nobel në letërsi më 1911.Më 1926 shkroi “Jeta e termiteve”, libër entomologjik i shkruar sipas librit “Shpirti i termiteve”, të poetit dhe shkencëtarit Euxhin Marais, që akuzoi Meterlingun për vjedhjen e idesë së tij të “unitetit organik”, shkruar në librin e tij. Më 1940 u vendos në Amerikë. Më 1947 u kthye në Nisë, Francë. Më 1948 Akademia Franceze e nderoi me Medaljen për Gjuhën Franceze. Vdiq më 6 maj 1949, në Nisë.

Shum shum interesante kjo....