Po vjen gripi më i keq i të gjitha kohërave

Po
afrohet gripi më i keq i të gjitha kohërave. Këtë alarm e kanë dhënë
Shoqata Italiane e Mikrobiologjisë Klinike, bazuar në të dhënat e
Organizatës Botërore të Shëndetësisë.
Presidenti i saj, Pierluigi
Clerici ka pohuar se ky grip do të shtrihet në gjithë rajonin e
Mesdheut, e me sa duket nuk do të lërë pa prekur as popullatën
shqiptare.
“Duke pasuar viruset e vitit të kaluar dhe atë të vitit
pararendës 2010, ndikimi i virusit të këtij viti premton të jetë më i
keq se ata. Ne presim kështu një sezon gripi më kompleks se ai i dy
viteve të fundit dhe prandaj do të kërkonim një vëmendje më të madhe
ndaj vaksinimit të popullatave”, ka qenë apeli i bërë prej tij.
Duke
saktësuar më tej se bazuar gjithmonë në të dhënat e OBSH-së, në sezonin
e gripit të ardhshëm do të qarkullojë ende virusi pandemik i përhapur
në vitin 2009 (H1N1, i njohur edhe si gripi i derrit), por edhe dy
variacione të tjera të tij, çka do e bëjë mjaft të rëndë gripin e
sivjetshëm.
Sipas një studimi të kohëve të fundit të publikuar në
revistën prestigjioze “Lancet”, mikrobiologët thanë se virusi H1N1 ka
shkaktuar 575 000 të vdekur (rreth 100 mijë më shumë se vdekjet e
shkaktuara nga ndikimi i zakonshëm sezonal i gripit).

daswhka me marr masa para se tme zeje ky gripi fomshem...