Has, babai ekzekuton djalin e vetëm: E bëra në gjaknxehtësi e sipër

HAS - Krimi brenda familjes trondit sërish. Një ngjarje e rëndë ka ndodhur pasditen e së mërkurës në fshatin Kostur të Hasit, ku një 71-vjeçar ka vrarë me armë zjarri djalin e tij.

Burime nga policia lokale bëjnë të ditur se 71- vjeçari Binak Nabolli ka vrarë të birin Ylber Nabollin, 21 vjeç, pas një një konflikti të çastit në banesë.

Policia mbërriti menjëherë në vendngjarje dhe bëri të mundur arrestimin e 71-vjeçarit. Ndërkohë vijojnë hetimet për të zbuluar rrethanat në të cilat ndodhi ngjarja e rëndë.

NGJARJA
Ka qenë ora 17:00 e ditës së djeshme, kur Binak Nabolli, pas një grindjeje të momentit, ka marrë pistoletën që kishte në shtëpi dhe ka gjuajtur një herë mbi djalin e tij të vetëm. Nuk ka lajmëruar askënd, nuk ka dalë nga shtëpia dhe as njerëz të tjerë nuk kanë hyrë në banesë. Por krisma e vetme që është dëgjuar, ka shqetësuar gjithë banorët e zonës. Për tri orë me radhë, 71- vjeçari ka ndenjur në shtëpi me kufomën e të birit, që e ekzekutoi me një plumb poshtë mjekrës. Pas telefonatave të marra nga banorët e fshatit Kosturr, policia e Krumës dhe e Kukësit është vënë në lëvizje dhe ka shkuar në banesën e familjes Nabolli. Sipas burimeve nga kjo polici, mësohet se efektivët e kanë gjetur 71-vjeçarin në gjendje të rënduar emocionale dhe fillimisht ai ka mohuar autorësinë e vrasjes së të birit. Menjëherë pas prangosjes së babait vrasës, policia ka bërë kontroll në banesën e 71- vjeçarit, ku ka gjetur dhe sekuestruar armën, si dhe të vetmen gëzhojë plumbi, me të cilin babai kishte qëlluar mbi të birin vetëm 21 vjeç. 71-vjeçari Binak Nabolli është shoqëruar për në dhomat e paraburgimit të Komisariatit të Krumës, ku është pyetur nga ekspertët e policisë dhe prokurorisë. Ai e ka pranuar autorësinë e krimit, duke pohuar se “e bëra në gjaknxehtësi e sipër”.

VRASJA NE KUKES
Rreth dy javë më parë në Kukës, një konflikt për pronën u shndërrua në një tragjedi për familjen Laçi. 74-vjeçari Sali Laçi u ekzekutua nga dy djemtë e tij në fshatin Bardhoc të Komunës Tërthore.

Pas kryerjes së hetimeve ka rezultuar se kryefamiljari Sali Laçi u qëllua me tre plumba pistolete nga djali i tij, Avdi Laçi, 36 vjeç. Bashkëpunëtor në krim ishte edhe djali tjetër i viktimës, Vexhi Laci, 31 vjeç.

(er.nu/BalkanWeb)

Nuk kam fjale....per asnje arsye ne bote nuk vritet femija...
Injorante e te pashpirt...vetem ne kete kategori ndodhin kto lloj ngjarjesh.

"Njerez te till nuk e meritojn te jetojn ne ket bot....si ka mundsi qe bejn nje gje te till pastaj kan guxim edhe e mohojn...kshu lloj monstrash nuk e meritojn me jetu...