Kuvendi shënoi pesë vjetorin e shpalljes së pavarësisë

nga **WebMaster** Sun 17 Feb 2013 - 10:57

Prishtinë, 17 shkurt - Pavarësia e Kosovës përbën një fakt të pamohueshëm historik. Pesë vjet nuk janë shumë, por ndryshimet që ka bërë Kosova gjatë kësaj periudhe, janë të mëdha, theksoi në seancën e sotme solemne, pesë vjet pas aktit të shpalljes së pavarësisë së vendit Jakup Krasniqi, kryetar i Kuvendit, para presidentes së shtetit, deputetëve, kabinetit qeveritar dhe mysafirëve, ndër të cilët ishin edhe presidenti i Shqipërisë, Bujar Nishani, kryekuvendarja Jozefina Topalli, pastaj përfaqësues të opozitës shqiptare, përfaqësues nga Maqedonia, Lugina e Preshevës dhe personalitete të njohura vendëse dhe të korit diplomatik të akredituar në Kosovë. Në fjalën e saj para deputetëve dhe mysafirëve, presidentja Atifete Jahjaga tha se Kosova shpalli pavarësinë e saj në koordinim me vendet mike, kurse synim mbetet integrimi në BE dhe në NATO.

Ajo përsëriti se pavarësia është akt i pakthyeshëm, kurse dialogu që po zhvillohet me Serbinë, sipas saj, nuk ka për qëllim ndarjen e Kosovës dhe as autonominë territoriale për pjesën veriore të saj.

“Dialogu nuk po zhvillohet për ta ndarë Kosovën, e as për të krijuar enklava të veçanta të askujt, as autonomi e statuse të posaçme. Të gjitha zgjidhjet janë brenda Kushtetutës dhe ligjeve të Kosovës dhe në bazë të standardeve evropiane”, tha presidentja e vendit.

Ndërkaq, kryeministri Hashim Thaçi tha se pavarësia e Kosovës paraqet sublimim të sakrificave dhe përpjekjeve të vazhdueshme të gjeneratave të tëra, si dhe vlerësoi që njohja e Kosovës nga vendet më të fuqishme dhe demokracitë më të zhvilluara, paraqet suksesin më të madh.

“Brenda një periudhe 14-vjeçare, Kosova realizoi dy objektiva të mëdha historike - çlirimin, pra lirinë e saj dhe pavarësinë e saj. Që nga shtatori i vitit që shkoi, Kosova hoqi mbikëqyrjen ndërkombëtare të pavarësisë, duke u bërë shtet me përgjegjësi të plotë për veten dhe ardhmërinë e saj. Kjo është meritë e të gjithëve. Kjo dëshmon se storja e Kosovës është një storje e suksesshme kosovare dhe gjithë-ndërkombëtare”, u shpreh Thaçi.

Me një fjalë rasti deputetëve dhe mysafirëve iu drejtua edhe Jozefina Topalli, e cila tha se ishte e nderuar që feston në Prishtinë ditëlindjen e shtetit të pavarur të Kosovës.

Duke e konsideruar Kosovën si djep të shqiptarizmit, Topalli tha se në këtë ditë duhet rikujtuar të gjithë ata që sakrifikuan për shtetin e Kosovës, duke veçuar dy figura kryesore, presidentin e ndjerë Ibrahim Rugova dhe komandantin e UÇK-së, Adem Jashari.

E përbashkëta e fjalëve të krerëve të shtetit të Kosovës ishte se vendi ka shënuat shumë përparime, por duke rikujtuar sfidat, sidomos në zhvillimin ekonomik dhe forcimin e shtetit ligjor.

nga **Gjilanasi** Sun 17 Feb 2013 - 10:58

kem festtt

Kuvendi shënoi pesë vjetorin e shpalljes së pavarësisë

Kuvendi shënoi pesë vjetorin e shpalljes së pavarësisë

Re: Kuvendi shënoi pesë vjetorin e shpalljes së pavarësisë