Nuk arrijnë t'i ikin vuajtjes së dënimit

Nuk arrijnë t'i ikin vuajtjes së dënimit

Njësitet policore nga Ferizaj, Kaçaniku dhe Shtime gjatë një operacioni të planifikuar kanë arrestuar nëntë persona të cilët nuk i janë përgjigjur ftesës së gjykatës për vuajtjen e dënimit.
Sipas policisë këta persona kanë kryer vepra penale të ndryshme dhe dënimet e shqiptuara sillen prej një muaji deri në gjashtë vite burgim.

“Këto arrestime, janë kryer lidhur me kërkesat nga Gjykatat kompetente për personat të cilët kanë kryer vepra të ndryshme penale dhe të cilët edhe pas plotëfuqishmërisë se vendimeve dhe ftesave nga Gjykatat nuk janë përgjigjur që të kryejnë dënimet e shqiptuara të cilat kanë qenë në kohëzgjatje prej 1 muaji deri në 6 vite”, ka thënë zëdhënësi rajonal i policisë, Agim Gashi, transmeton KP.

Bëhet e ditur se të gjithë të arrestuarit, pas kompletimit të lëndëve nga ana e gjykatësit, janë dërguar në burg për vuajtje të dënimit.