Klea Love Forum
Klea Love Forum - Welcome

Mirë se vini në Klea Love Forum, Ju ftojmë që të Regjistroheni, në mënyre që të keni aksese në të gjitha kategorit dhe temat, në Klea Love Forum, mund të gjeni Shoqeri, Filma Shqip dhe të huaj, Muzikën më të re 2013, DVD Humore shqip, Këshilla Mjeksore, Diskutime, Video Klipe, Kuriozitete, dhe Lajmet më të reja nga vendi dhe bota.

KleaLove.com / Staff.

Dashuria dhe tradhtia, duken larg, por janë shumë afër

Shko poshtë

Dashuria dhe tradhtia, duken larg, por janë shumë afër

Mesazh nga Majnola prej Wed 5 Mar 2014 - 7:44

Dashuria dhe tradhtia janë dy terma që e përjashtojnë automatikisht njëri-tjetrin, por jeta po provon të kundërtën e kësaj. Nëse do të hyjmë në brendësi të këtyre dy kategorive, në kërkim të lidhjes që ekziston mes dy termave, do të shohim se dashuria ka të bëjë me dedikimin apasionant dhe ekskluziv, i shoqëruar me mirëqenie shpirtërore dhe stabilitet. Ndërsa tradhtia shpesh ka lidhje me dashurinë sepse në fakt nuk është gjë tjetër veçse transferimi i dashurisë nga një subjekt tek një subjekt tjetër, nga një dimension te tjetri, por shpesh jetohet si shkatërrim i dashurisë, ndërkohë që përfaqëson një motor të transformimit të saj. Ndjenja që provohet kur tradhtohet, ngjan me një vdekje të vogël dhe si e tillë përjetohet si një gjë negative, si humbje dhe si nevojë universale. Për të kuptuar foljen “tradhtoj”, mjafton të shohim kuptimin e saj në latinisht, “tradere” që do të thotë të modifikosh ose të braktisësh një rregull, një urdhër, një sistem të mëparshëm. Pra, braktiset e vjetra për të kaluar tek e reja. Pra, tradhtia ka të bëjë me braktisjen e rregullave të vjetra, apo konfigurimeve, në favor të atyre të reja. Kur rregulli i ri, apo konfiguracioni afirmohet, tradhtia transformohet në traditë. Dashuria nuk vdes, por spostohet deri në tradhtinë e ardhshme. Në këtë sens dashuria dhe tradhtia janë kaq të lidhura me njëra-tjetrën.
avatar
Majnola
I/e Regjistruar
I/e Regjistruar

Postime Postime : 55
Gjinia Gjinia : Female
Anëtarësuar Anëtarësuar : 04/03/2014
Mosha Mosha : 28

Shiko profilin e anëtarit

Mbrapsht në krye Shko poshtë

Re: Dashuria dhe tradhtia, duken larg, por janë shumë afër

Mesazh nga Anakonda prej Sat 19 Apr 2014 - 3:57

kanë thënë për tradhtinë

  • Nëse është e vërtetë që tradhtar lind, ta dini se besnik bëhesh. (G. Dacquino)
  • Tradhtia: ta ngjisësh diku tjetër atë që të është thyer në shtëpi. (Julien De Valckenaere 1898-1958)
  • Ka dy tipe grash: ato që gënjejnë burrat dhe ato që thonë se nuk është e vërtetë. (Maurice Donnay)
  • Të bësh dashuri me gruan tënde, është si të shkosh për gjah dhe të qëllosh një kafshë të balsamosur. (Groucho Marx)
  • Besnikë janë të gjitha ata që u mungojnë rastet për të mos qenë të tillë. (Alessandro Morandotti)
  • Jezu Krishti ia fali gruas tradhtinë. S’do mend, nuk ishte e tija. (Georges Courteline)
  • Burri nuk është i pabesë, por është pluralist. (Diego Parassole)
  • Tradhtia është aplikimi i demokracisë në dashuri. (Henry Louis Mencken)
  • Të kam tradhtuar vetëm që të bindem se ti je më i miri, ki durim, nuk më ka mbetur edhe shumë. (Fabio Fazio)
avatar
Anakonda
V.I.P Anëtarë
V.I.P Anëtarë

Vendbanimi Vendbanimi : Burrel
Postime Postime : 31648
Gjinia Gjinia : Female
Anëtarësuar Anëtarësuar : 02/12/2011
Mosha Mosha : 23
Hobi Hobi : Dashuria endrra shpresa ke te zgjidhja nga te tria dhe nje nate lotin pyeta mu pergjigj DASHURIA

Shiko profilin e anëtarit

Mbrapsht në krye Shko poshtë

Re: Dashuria dhe tradhtia, duken larg, por janë shumë afër

Mesazh nga Anakonda prej Sat 19 Apr 2014 - 3:59

A ka dashuri pas tradhtisë?
Përvojat flasin që tradhtia është njëra ndër gjërat më të dhembshme të cilat mund të ndodhin në një lidhje dashurie. Mjafton të ndodhë vetëm njëherë – të dy partnerët, para së gjithash, personi i tradhtuar, gjatë do ta ndiejnë dhembjen dhe të gjitha pasojat e tradhtisë.
Përse tradhtojmë?
Pas një kohe të gjatë të kaluar në një lidhje dashurie dhe (ose) kur fillon mosha e mesme – njerëzit shpesh ndiejnë nevojën për t’u dëshmuar se akoma “vlejnë”. Edhe pse nuk mendojnë për tradhtinë – edhe meshkujt, edhe femrat – shpesh në këtë moshë fillojnë të mbajnë dietë dhe më shumë kujdesen për pamjen e tyre, sepse dëshirojnë akoma të jenë të bukur edhe për veten, edhe për të tjerët. Aventurat jashtëmartesore nganjëherë paraqesin pikërisht “dëshminë” e tillë.
Për çdo rast, lidhjet “e jashtme”, para së gjithash, tregojnë komunikim të keq dhe krizë të gjatë në marrëdhëniet e partnerëve. Tradhtia më së shpeshti ndodh me dikë që ai që tradhton njihet – kryesisht me ndonjë nga miqtë (miket) apo kolegët (koleget) e punës.
Si përfundohet aventura?

Ekzistojnë tri veprime “universale” në përfundimin e lidhjes jashtëmartesore:
- Pranimi i tradhtisë para partnerit (bashkëshortit-bashkëshortes);
- Kujdesi që kurrë të mos shiheni e as takoheni me të dashurin (të dashurën);
- Gjetja e mënyrës sesi të liroheni nga mendimet për të dashurin (të dashurën).

A është i mundshëm “sanimi” i tradhtisë
Është mendim i gabuar që nëse tradhtia tashmë ka ndodhur, e pastaj është pranuar dhe është falur, lidhja patjetër bëhet më e fuqishme dhe më e sigurt. Ç’është e vërteta, partneri i tradhtuar shpesh fal tradhtinë, por shumë vështirë harron. Dhembja të cilën e ka shkaktuar lidhja jashtëmartesore mund t’i shoqërojë partnerët vite të tera, madje edhe tërë jetën.
Shumica e njerëzve pas tradhtisë natyrisht do të ndihen të lënë padore, të tradhtuar, të mashtruar... Reaksioni i parë i partnerit të tradhtuar më së shpeshti është dëshira që lidhja menjëherë të ndërpritet, sepse shumica e njerëzve nuk mund të jetojë me mendimet për tradhtinë të cilën e ka bërë partneri-partnerja.
Si të qëndrohet bashkë?
Mirëpo, pas tradhtisë, reaksionet e para partneri i tradhtuar në rastet më të shumta megjithatë vendos që “t’i mbyllë sytë” dhe të ruajë lidhjen. Ajo që në atë fazë me rëndësi të dihet është: të menduarit për tradhtinë nuk mund të humb gjë – por me kohë mund të tejkalohet...
Përjetimet emocionale të tradhtisë me kohë do të zbehen nëse nuk përsëriten momentet e dhembshme dhe nëse partneri-partnerja që ka tradhtuar që atij-asaj që ka qenë i tradhtuar t’i ofrojë përkrahje të plotë dhe ndjenjë sigurie në lidhjen emocionale.
Përkrahja – katër rregulla të sjelljes
1. Kujdesuni që asnjëherë më të mos jeni shkaktari i fatkeqësisë së partnerit-partneres.
Kujdesuni që pas tradhtisë të jeni posaçërisht i përkushtuar partnerit-partneres tuaj, të jeni gjithmonë bashkë me të dhe në atë mënyrë të përpiqeni që të ktheni besimin e humbur.
2. Plotësojani të gjitha nevojat emocionale partnerit-partneres.
Zotërojeni shkathtësinë e dëgjimit aktiv, tregoni gjithmonë mirëkuptim maksimal dhe ndihmoni partnerit-partneres që të zgjidhë çdo problem, madje edhe atë më të voglin. Ofroni partnerit-partneres përkrahje të plotë emocionale dhe fizike!
3. Ofroni partnerit kujdesin e vazhdueshëm.
Gjithë kohën tuaj të lirë kushtojani partnerit. Bisedoni ndërmjet vete dhe dëgjojeni njëri-tjetrin. Gjithashtu, pasurojeni jetën tuaj seksuale – le të jetë më e bujshme se më parë.
4. Bëhuni plotësisht i sinqertë me partnerin.
Me siguri tradhtia nuk do të ndodhte sikur të ishte çdo gjë në rregull mes partnerëve. Prandaj, mësohuni që tërë komunikimin ta bazoni në sinqeritet dhe të jeni të hapur ndaj njëri-tjetrit. Në vend që të kërkoni dashnor (dashnore) tjetër, shpjegojani partnerit tuaj si dhe përse ndonjëherë ndiheni i pavërejtur, i pajoshur dhe i paplotësuar.
Nëse jeni ju pala e tradhtuar...
Mendoni mirë se çfarë kualiteti ka pasur lidhja juaj para se të ndodhte tradhtia dhe nëpër cilat faza ka kaluar lidhja juaj. Gjithashtu, vëzhgoni me kujdes sjelljen e partnerit se a po angazhohet dhe sa po angazhohet që lidhja sërish të vendoset në baza të shëndosha.
Nëse partneri (partnerja) juaj pas tradhtisë sillet në harmoni me katër kushtet e përmendura më sipër, është e qartë se vërtet po angazhohet që sërish të fitojë besimin tuaj. Me përkrahjen e partnerit dhe me komunikim më të mirë reciprok – gjithsesi do ta kaloni më lehtë dhembjen dhe ndoshta megjithatë do të kuptoni që lidhja juaj emocionale e meriton edhe një shans.
/Telegrafi/
avatar
Anakonda
V.I.P Anëtarë
V.I.P Anëtarë

Vendbanimi Vendbanimi : Burrel
Postime Postime : 31648
Gjinia Gjinia : Female
Anëtarësuar Anëtarësuar : 02/12/2011
Mosha Mosha : 23
Hobi Hobi : Dashuria endrra shpresa ke te zgjidhja nga te tria dhe nje nate lotin pyeta mu pergjigj DASHURIA

Shiko profilin e anëtarit

Mbrapsht në krye Shko poshtë

Re: Dashuria dhe tradhtia, duken larg, por janë shumë afër

Mesazh nga Sponsored content


Sponsored content


Mbrapsht në krye Shko poshtë

Mbrapsht në krye


 
Drejtat e ktij Forumit:
Ju nuk mund ti përgjigjeni temave të këtij forumi