Topi: Mbështetje Kosovës për integrimin
Faqja 1 e 1
Topi: Mbështetje Kosovës për integrimin
Presidenti i Republikës së Shqipërisë, Bamir Topi, gjatë takimit me kryetarin e Gjykatës Kushtetuese të Kosovës, Enver Hasani, shprehu mbështetjen e fuqishme për shtetin e ri, në përpjekjet për integrim në Evropë.
Kreu i shtetit theksoi se bashkëpunimi rajonal dhe më gjerë në fushën e drejtësisë, luftën kundër korrupsionit, krimit të organizuar etj, do të kontribuojë në konsolidimin e shtetit të së drejtës, ruajtjen dhe forcimin e institucioneve të pavarura, të demokracisë shqiptare, por edhe në rolin e rëndësishëm që Shqipëria dhe faktori shqiptar në Ballkan luan për paqen dhe stabilitetin në rajon e më tej.
Kreu i shtetit shprehu gjithashtu besimin se Kosova do të vazhdojë të jetë e suksesshme, pas krijimit të një shteti të ri demokratik e shumetnik, që të ndërtojë e të konsolidojë institucionet e veta të pavarura kushtetuese, të cilat do të mbrojnë ligjin dhe interesat e të gjithë banorëve të Kosovës, pavarësisht nga përkatësitë etnike.
"Në këtë sfidë të vështirë, Shqipëria do të jetë një mbështetëse e fuqishme edhe në të ardhmen, në përpjekjet e Kosovës për integrim në familjen evropiane dhe atë euroatlantike duke ndarë me të edhe përvojën tonë të vlefshme integruese", theksoi presidenti Topi.
Kryetari i Gjykatës Kushtetuese të Kosovës, Enver Hasani, siguroi Kreun e shtetit shqiptar për vazhdimësinë e proceseve të vendit të tij në drejtim të reformimit dhe konsolidimit të drejtësisë dhe forcimit të institucioneve, si dhe shprehu gatishmërinë e Kosovës për t'u bërë pjesë sa më shpejt e strukturave euro-atlantike dhe evropiane.
Similar topics
» Topi letër Krasniqit për 3 vjetorin e Pavarësisë së Kosovës
» “Të vendosur për integrimin në BE”
» Vizat, mbeshtetje nga Greqia
» Montobio: Po rrezikoni integrimin
» Samiti, Berisha: Ndihmon për integrimin në BE
» “Të vendosur për integrimin në BE”
» Vizat, mbeshtetje nga Greqia
» Montobio: Po rrezikoni integrimin
» Samiti, Berisha: Ndihmon për integrimin në BE
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
|
|