Shiu është punë e Zotit, por mirëmbajtja, punë e njeriut"

Eshtë e vërtetë që katastrofa natyrore ndodhin në gjithë botën, por askund nuk shpërthejnë digat e hidrocentraleve. Se nëse shiu është punë e natyrës, mirëmbajtja e veprave të tilla është punë e njeriut.

E vërtetë është gjithashtu që depo armatimi ka në gjithë botën, por askund nuk i shpërthejnë civilët apo të hidhen në erë e të vrasin fëmijë që punojnë brenda tyre.

E pra, gjatë 20 viteve të fundit, Shqipëria nuk ka punuar, ka bërë luftë për pushtet dhe pasurim klanesh e tarafesh të vogla. Tani do vuajmë pasojat. Shqipëria është një "mekanizëm" i amortizuar.

Politikanët (vendimmarrësit) janë ata që duhet ta mirëmbajnë. Është e qartë që ata nuk e kanë bërë punën e tyre, pavarësisht se janë paguar dhe vazhdojnë të paguhen.