Kampioni e nis me Drenicën

nga Alberti Sat 17 Jul 2010 - 19:31

Të premten në Shtëpinë e Sporteve në Prishtinë, Federata e Futbollit e Kosovës
(FFK) ka bërë tërheqjen e shortit për edicionin e ri garues të kampionatit të
Kosovës, i cili nis më 14 gusht.

Për dallim prej të kaluarës, kësaj
radhe tërheqja e shortit është bërë në prani të një numri më të vogël të
përfaqësuesve të klubeve. Në xhiron e parë të Superligës kampioni aktual,
Trepça, para simpatizuesve të vet do të ballafaqohet me Drenicën.

Në
kuadër të kësaj xhiroje do të zhvillohen edhe dy ndeshje tjera mjaft
interesante. Në Kastriot, KEK-u do të ndeshet me Prishtinën. Ndërsa edhe në
Merdarë do të zhvillohet ballafaqim interesat ndërmjet Hysit dhe Lirisë.

Anëtari i ri i Superligës, Ballkani do të jetë nikoqir i Flamurtarit,
derisa skuadra tjetër e rikthyer në elitë, Trepça ’89 do të jetë mysafire e
Ferizajt. Xhiroja e parë e Superligës zhvillohet më 14 dhe 15 gusht. Të gjitha
ndeshjet nisin në orën 17:00

Superliga – Xhiroja e parë
Ballkani –
Flamurtari
Ferizaj – Trepça ‘89
Trepça – Drenica
KEK-u –
Prishtina
Hysi – Liria
Besa – Vëllaznimi