Hamburg e Schalke pas Behramit

nga Alberti Sat 17 Jul 2010 - 19:31

Pas dy klubeve nga Serie A, Romës dhe Palermos, interesim për t’i siguruar
shërbimet e Valon Behramit kanë shprehur edhe dy ekipe nga elita e futbollit
gjerman. Bëhet fjalë për nënkampionin e Bundesligës, Schalke 04 dhe Hamburgun.

Sipas portalit 4-4-2.com, mesfushori kosovar me nënshtetësi zvicerane
është vënë nën objektivin e klubeve gjermane. "Hamburg dhe Schalke janë dy
kandidatë që janë të interesuar për Behramin", thuhet në këta
portal.

Valon Behrami me skuadrën West Ham United ka kontratë deri në
verën e vitit 2013. Mirëpo, me shkarkimin e trajnerit italian Gianfranco Zola, e
ardhmja e kosovarit te klubi nga Upton Park është vënë në dyshim, pasi raportet
e tyre ishin të shkëlqyeshme.

Reprezentuesi i Zvicrës te klubi nga
Premierliga angleze ishte transferuar gjatë verës së vitit 2008 nga skuadra
italiane Lazio.