Cagliari deklason Romën

nga **Binni** Sat 11 Sep 2010 - 11:01

Cagliari ka turpëruar Romën në Sardenja dhe atë me rezultat 5-1, që përbën një nga deklasimet më sensacionale të kohëve të fundit.

Cagliari hyri me objektiva të qarta në këtë takim. Ishte Daniele Conti ai që zhbllokoi rezultatin (8’), kurse atë e barazoi Daniele De Rossi (18’) për 1-1.

Në vazhdim, Roma do të pësonte katastrofën më të madhe në dekadën e fundit në Serie A. Alessandro Matri realizoi nga penaltia për 2-1 (23’), kurse rezultatin në 3-1 e kishte shpjerë Robert Aquafresca (38’). Për 4-1 u përkujdes përsëri Alessandro Matri që realizoi golin e dytë. Rezultatin përfundimtar Cagliari 5-1 Roma, e vuri Andrea Lazzari.

Kjo disfatë Romën e fut edhe zyrtarisht në krizë të rezultateve, ndërsa Cagliari mund ta shijojë për pak kohë ndjenjën e të qenit në pozitën e parë. /