Kasilas: Mesi më i miri,”Topi i Artë” për një spanjoll

Portieri i Real Madridit, Iker Kasilas, ka shprehur mendimin e tij se kujt duhet t’i takojë “Topi i Artë”. Në rrethin e ngushtë për këtë çmim janë tre futbollistët e Barcelonës: Çavi Hernandez, Andres Iniesta dhe Lionel Mesi. “Të tre janë futbollistë të shkëlqyeshëm, por të jem i sinqertë, unë do të votoja për Çavin dhe Iniestën. Shpresoj të mos zemërohet Mesi për këto fjalë. Mesi është më i miri në botë, por unë nuk do të dëshiroja që ai të fitojë çmimin”, ka thënë Kasilas për gazetën “Marca”. Edhe vetë portieri i Realit ishte në mesin e kandidatëve për këtë çmim, por nuk arriti të gjenden në rrethin e ngushtë. “Jam i dëshpëruar që nuk u gjenda në mesin e finalistëve”, ka theksuar portieri i kombëtares spanjolle. Sa i përket humbjes bindëse nga Barcelona (0:5) në kuadër të kampionatit spanjoll, Kasilas nuk ka dashur të flasë shumë për atë ndeshje. “Ishte vetëm njëra nga humbjet”, është shprehur shkurt portieri i Realit.

Messi,sepse e meriton ndersa ai kembethati i realit ta mbaj gojen kur te flase per kampinonin e kampioneve.