Shampanja 200 vjet e vjetër në shitje

Helsinki, 24 prill - Dy shishe shampanjë, 200 vjet të vjetra, të cilat kohë më parë janë nxjerrë nga një anije e fundosur në Detin Baltik, do të qiten në shitje me ankand në qershor.
Shishet e shampanjës me vlerë të madhe janë pjesë e 150 shisheve, të cilat zhytësit i kanë zbuluar verën e kaluar në mbetjet e anijes së fundosur në mes të viteve 1825-1830 në ujërat e Detit Baltik në afërsi të bregdetit finlandez.
Zyrtarët finlandezë tashmë kanë vendosur që dy shishe të këtilla me shampanjë të dalin në ankand më 3 qershor. Njëra shishe është e markës “Veuve-Clicquot”, e cila edhe sot ekziston, ndërsa tjetra e mban emrin e shtëpisë “Juglar” që nuk ekziston më.
“Bëhet fjalë për shishet më të vjetra të shampanjës të këtyre markave që sot mund të gjenden. Këto janë shishe unikate në treg dhe me siguri do të thyejnë të gjitha rekordet në ankand. Pres që çmimi i secilës shishe të arrijë 100 mijë euro”, thotë Richard Gurin, ekspert për shampanjë.

qenka shampanje e vecante meqe paska rrojtur aq shume