Beqiraj depërton si tank

Mediumet kroate janë duke vlerësuar lart paraqitjet e Fatos Beqirajt te Dinamo e Zagrebit. Beqiraj të mërkurën mbrëma shënoi dy gola në fitoren 5:1 të Dinamos kundër Varazhdinit në ndeshjen e parë finale të Kupës. Beqiraj golin e parë në atë takim e shënoi duke e fituar duelin me tre mbrojtës të Varazhdinit. "Kaloi përmes tre mbrojtësve. Një lojtar të Varazhdinit e barti në shpinë e më pas shënoi për Dinamon. Fatos Beqiraj depërton si tank", ka shkruar të premten gazeta kroate “Veçernji List”. Sipas gazetës, Beqiraj ishte lojtari më i mirë i Dinamos. Beqiraj deri tani ka shënuar 15 gola për Dinamon, tetë në kampionat e shtatë në kupë. "Ndonjëherë është më mirë të rrëzohesh, por të mërkurën bëra mirë që i rezistova duelit, nuk u rrëzova dhe depërtova deri në fund", ka thënë Beqiraj.

Fatosi shenoj serish sot ne ndeshjen e kthimit ku Kampionet e Dinamo Z fituar serish 1-3.
Fatosit i kam njohur tezen e tij bashke me te fejuarin ne Kemer Turqi vjet ne vere ,( qe ka lindur ne Maqedoni) dhe jeton ne Kroaci dhe eshte si manaxherja e tij.
Se kuptoj pse si ben nje ftese Kombetarja jone te luaj me Shqiperine