Gara me foto të rëntgenit

Një qen i cili kishte kapërdirë nëntë topa të bilardos, ka fituar garën amerikane të filmave më interesant - të rëntgenit për kafshë. Veterinarë nga tërë Amerika morën pjesë në garën e quajtur “Rëntgeni më i çuditshëm amerikan”. për të treguar sa gjëra të çuditshme janë në gjendje të fusin në stomak kafshët shtëpiake. Por, asgjë nuk krahasohej me rëntgenin e dërguar nga Spitali i Kafshëve Bayshore nga Oregoni, pasi veterinerët zbuluan se qeni kishte kapërdirë gjysmën e topave të bilardos. Pronari e dërgoi tek veterineri kur vërejti se qeni po dobësohej shpejtë. Veterinerët shpejtë zbuluan shkaktarin, kur prekën barkun e tij. Kjo garë organizohet nga revista e kafshëve shtëpiake “Veterinary Practice News”. Aty u paraqitën edhe rëntgene tjera interesante. Për shembull, njëri nga qentë i kishte kapërdirë dhëmbët artificial të pronarit, ndërsa një film tjetër tregoi se si një qen kishte kapërdirë një shishe me ngjitës, e cila më pas kishte marrë formë si stomaku.

qenka kafshe inteligjente