Ne Kine testohet “treni shpatë” qe kap deri 500 km/h

nga Aяtємιѕα Mon 26 Dec 2011 - 8:50

Autoritetet kane deklaruar se mjeti nuk do të udhëtojë domosdoshmërisht në maksimumin e shpejtësisë së tij
Burimi: ikub.alKina ka lëshuar për testime një tren të ri me shpejtësi të madhe, që mund të arrijë deri në 500 km/h. Bëhet fjalë për një mjet hekurudhor, që me dizajnin e tij duhet të kujtojë një shpatë të vjetër kineze. Mirëpo presidenti i kompanisë prodhuese, CSR, Zhao Xiaogang ka dashur të saktësojë se treni nuk do të udhëtojë domosdoshmërisht në maksimumin e shpejtësisë së tij: “Veçanërisht ne shqetësohemi për të garantuar sigurinë e trenëve”, ka deklaruar për mediat kineze. Ky që po mbyllet ka qenë një vit i vështirë për industrinë hekurudhore në Kinë. Një përplasje mes dy trenëve të shpejtë në korrik i ka kushtuar jetën 40 personave dhe nga atëherë, krijimi i trenëve të rinj të shpejtë ka pësuar një ulje. Për më tepër, ministri i Hekurudhave Liu Zhijun, figurë kyç në zhvillimin e sektorit, u largua nga detyra për shkak të akuzave të korrupsionit. (Tichinonews)