Zbulon specie të re gjarpri, i vë emrin Matilda, si e bija

nga Aяtємιѕα Fri 13 Jan 2012 - 8:31

Tanzani, 13 Janar 2012, NOA - Një shkencëtar ka zbuluar një gjarpër në Tanzani dhe e ka quajtur atë Matilda, pikërisht ashtu si dhe vajzën e tij 7-vjeçare, që e ka ndihmuar në këtë gjetje dhe që ka mbetur tepër e mahnitur.

Tim Davenport, drejtor i shoqërisë për tutelën e faunës së egër në Tanzani, ishte pjesë e një grupi prej tre ekspertësh që kanë zbuluar këtë specie, raporton agjencia e lajmeve NOA.al.

Zvarraniku ka pulla të verdha dhe të zeza, sy të gjelbër dhe dy brirë te vegjël.

Shkencëtari ka shpjeguar se Matilda është gjetur në jug-lindje te vendit rreth dy vite më parë, por botës iu prezantua vetëm muajin e kaluar nëpërmjet revistës shkencore Zootaxa.

“Në përgjithësi kjo specie është tejet e rrezikshme dhe me helm, - shtoi Davenport, por në këtë rast Matilda duket tepër e qetë dhe aspak agresive”.

r.b/NOA