Pashaportën e bën tatuazh në shpinë

Londër – Britaniku Richard Ashton e ka bërë tatuazh pashaportën e tij në shpinë. Në disa raste, kur dëshiron të tërheqë para nga banka, shpesh herë zbulon shpinën dhe zyrtarët lexojnë të dhënat personale të tij. Ashton thotë se ka dashur të ruaj diçka nga udhëtimi i tij në Australi, si dhe të bëjë diçka patriotike.
“E dashura ime një kohë mendonte se jam i çmendur, por tani mendon se kjo është thjeshtë qesharake.
Ndërsa njerëzit që shohin tatuazhin tim reagojnë pozitivisht”, tha Ashton për tabloidin britanik The Sun.
Richard thotë se disa herë ka tërhequr para nga banka duke ia dhënë zyrtarëve të dhënat nga shpina e tij, por ai shton se këtë e bën vetëm kur harron dokumentet personale. “Zakonisht zyrtarët e bankës më shikojnë me habi, por ju vjen mirë kur kuptojnë se nuk po përpiqem t’i mashtroj”.
Nuk vij vërdallë pa bluzë, por kur është nevoja edhe zhvishem”, tha britaniku. Megjithatë, gjatë udhëtimit jashtë shtetit, Richardi nuk mund t’i përdorë të dhënat nga shpina, sepse kjo nuk u lejohet doganierëve./lajmeshqip/

mire ja ka bere.

hahahah,,imangjinoje ne aeroport ,,ju lutem paraqiteni dokumentin e identifikimit,,,,urdheroni ,,,kurrizin,,,hahahha :p