Heronjte ekzistojne! Shoferi shpeton pasagjeret (Video)

Ndodh që ndjenja e detyrës të dalë mbi të gjitha, madje edhe mbi veten.




Një ngjarje e rrallë ka ndodhur në Kinë, kur shoferi i një autobusi edhe pse i goditur për vdekje, bën të gjitha përpjekjet për të shpëtuar 24 pasagjerët e tij.

Kamera dhe pasagjerët e autobusit panë sesi një objekt metalik, që me sa dukej ndodhej në një mjet nga korsia e kundërt e autostradës, e goditi shoferin me forcë në gjoks, duke e plagosur për vdekje.

Shoferi 48 vjeçar përkundër dhimbjes së padurueshme, uli shpejtësinë dhe arriti të ndalojë mjetin në anë të rrugës. Madje gjeti forca të informojë pasagjerët sesi të dalin në mënyrë të sigurt nga autobusi në anë të autostradës, dhe pastaj i ra të fikët.

Diagnoza tregoi trauma të rënda të zemrës dhe thyerje të brinjëve, dhe për këtë shkak 48 vjeçari nuk arriti të shpëtojë, por vdiq 3 ditë pas aksidentit të rëndë.

Megjithatë videoja e regjistruar nga kamera e autobusit dhe dëshmitë e pasagjerëve, po bëjnë xhiron e botës, për të treguar se njerëzit-heronj, ata që sakrifikojnë deri në fund për të tjerët, ekzistojnë vërtet. Shikoni videon...

te pakten mir qe skan perfunduar ne humnere