Shkretëtira me pamje jashtëtokësore (foto)

nga **WebMaster** Mon 23 Jul 2012 - 2:48

Shkretëtira Simpson, e njohur si Shkretëtira e Kuqe, ndodhet
nëQueenslandtë Australisë qendrore dhe është shkretëtira e katërt më e
madhe në botë. Por ajo ka një pamje “jashtëtokësore” pasi ka ngjyrë të
kuqe.

Me një hapësirë prej 176.500 km2, përfshin disa nga dunat e rërës më të
mëdha në planet, nga të cilat më e njohur është duna me emrin Big Red,
lartësia e të cilës shkon në 40 metra.

Pejisazh i shkretë, me pak bimë dhe kushte të vështira mbijetese, si dhe
ngjyra e kuqe të lënë të kuptosh se nuk ndodhesh në Tokë, por në një
planet tjetër, apo në ndonjë film fantastiko-shkencor.

Aty janë xhiruar edhe shumë skena të filmave hollivudianë, ndërkohë që
kjo shkretëtirë është kthyer në një atraksion turistik për të gjithë ata
që preferojnë shëtitjet në rërë. Gjithashtu, shkretëtira Simpson
kryeson në listat e vendeve që duan të vizitojnë fotografët./ora/

Shkretëtira me pamje jashtëtokësore (foto) Sh1