Zjarrfiksi më i shkurtër në botë, vetëm 1.27 m

Takoni zjarrfikesin me te shkurter ne bote

Zjarrfikësat shpesh portretizohen si heronj, si të tillë zakonisht
imagjinohen trupmëdhenj dhe të aftë që të vendosin jetën e tyre në
rrezik për të shpëtuar të tjerët. Por duket se një portretizim i tillë
mes njerëzve nuk është i saktë. Vince Brasco, 19 vjeç, është një
zjarrfikës në Pitburg, SHBA, dhe është i gjatë vetëm 127 centimetra. Në
fakt ai doli vullnetar për të qenë zjarrfikës dhe falë përkushtimit të
jashtëzakonshëm që tregoi gjatë kursit të përzgjedhjes, arriti të
fitonte vendin, pavarësisht përmasave jo të përshtatshme.

Brasco peshon vetëm 40 kilogram, por stërvitet në mënyrë të
vazhdueshme dhe është në gjendje të shpëtojë nga flakët edhe një njeri
deri në 120 kilogramë. Në fakt, këtë ai e ka provuar vetëm në stërvitje,
por Brasco e di që do të jetë i gatshëm kur të vijë momenti i duhur për
ta provuar në jetën reale. “Stërvitem shumë, pasi e di që nuk jam
njësoj me të tjerët, por në jetën time jam mësuar që të arrij gjërat,
duke u përpjekur dy herë më shumë se një njeri i zakonshëm. Palestra më
ka ndihmuar me të vërtetë shumë për të kryer si duhet detyrën, edhe pse
vazhdoj të mendoj se si në çdo profesion, forca kryesore që të nevojitet
është ajo mendore”, shprehet 19 vjeçari.

Zjarrfikesi trupvogel shpesh përballet me akuzat se me këto përmasa
trupore nuk mund të kryejë si duhet detyrat e tij në shpëtimin e
njerëzve të mbetur në mes të zjarrit. Por, Departamenti sheh dhe anen e
mire të medaljes; “Është e vërtetë që punonjësit e tjerë janë në gjendje
të ngrejnë pesha më të rënda, por nga ana tjetër, ka raste kur gjatë
një zjarri, rruga mund të jetë aq e bllokuar, sa një njeri me trup
normal nuk mund të kalojë. Shpresa e vetme për të mbetur në kurth, në
një eventualitet të tillë, do të ishte Brasco”

po ky po mduket sikur e kom pa me nje film....si ftyme e pame po mduket ky mu