Ç’të bën halli!

Banorët e fshatit Yushian në Kinë, kanë vetëm dy mënyra për t’u lidhur me botën: ata janë të detyruar ose të ecin për ditë të tëra kur duan të shkojnë diku, ose të kalojnë më shpejt nëpërmjet një kavoje që kalon mbi rreth 400 metra lartësi.

Çdo banor që dëshiron të shkojë diku, të blejë diçka apo të shesë, është i detyruar të hipë në këtë teleferik primitiv dhe të kalojë në skajin tjetër që është 1000 metra tej.

Teleferiku primitiv është vendosur në vitin 1997, ndërsa më parë, banorët që dëshironin të lëviznin nga fshati ose të hynin në fshat, detyroheshin të ecnin në pyje me ditë të tëra.

Teleferiku primitiv, që u ka lehtësuar disi jetën banorëve, është me kavo çeliku dhe punon me motor, transmeton Start njoftimin.

Personi që siguron funksionimin pa problem të këtij teleferiku, Zhang Xinjian, foli për “Daily Mail”, duke thënë se përveç tij askush nuk punonte vullnetarisht këtu.

Personi që bënë këtë punë prej 15 vitesh thotë se kabllot e këtij teleferiku duhet të vajisen të paktën një herë në javë.

e tmerrshme....mu per vete sdo m mbante ta beja dicka te tille