Gjysma e amerikanëve pijnë qetësues çdo ditë

nga T_o_n_i Mon 12 Nov 2012 - 1:13

Antidepresivvë, psikobarna, stimulues janë ilaçe shumë të njohura për amerikanët.
Sipas një sudimi gjysma e amerikanëve janë të varur nga anti-depresivët.

“Të rriturit që marrin qetësues thonë se pilulat i ndihmojnë të jenë ata që ishin para se depresioni ta nxinte personalitetin e tyre”, shkruan Katherine Sharp në “Ëall Street Journal”. “Por për adoleshentët, personaliteti i të cilëve është akoma duke u formuar, pamja është shumë më e ngatërruar”.

Ata që bashkëjetojnë prej kohësh me qetësuesit, mungesa e vetëdijes, para trajtimit mjekësor, i ndalon të matin efektet e pilulës në zhvillimin e personalitetit. E treguar në këtë mënyrë, duket si një makth fantastiko-shkencor dhe nuk është një rastësi që nga Aldous Huxley te Philip Dick, qetësuesit mbretërojnë në shumë histori. Në “Botën e Re”, këto ilaçe ndihmojnë në injorimin e të gjitha jetëve, njësoj të vendosura nga regjimi teknokratik. Kështu Thomas Henry Huxley krijoi pilulën magjike që sot njihet si paraardhësja e “Prozac”, “Paxil”, ose e “Zoloft”, që 70 milionë amerikanë e gëlltisin çdo ditë.

Katherine Sharp nuk është një shkrimtare fantastiko-shkencore. Libri i saj “Coming of Age on Zoloft”, është një denoncim i vetë autores për rrezikun e rritjes së abuzimit me ilaçet. Po ashtu, edhe alarmi që ka lëshuar nga gazeta e “Ëall Street” është një kambanë për të gjithë njerëzit. Atëherë ç’duhet bërë? Një ekspert në këtë fushë, gjithashtu përgjegjës i studimit për të miturit në “National Institue of Mental Health”, thekson se problemi është fillimisht kulturor.

“Më kujtohet ardhja ime në Amerikë për herë të parë. Isha i ftuar në shtëpinë e një kolegu në Filadelfia. Kur u zgjova nga gjumi, zbres për të ngrënë mëngjes dhe e shoqja e mikut tim, shumë e sjellshme, kishte përgatitur ushqim për të gjithë dhe pranë çdo gote me qumësht ose lëng frutash kishte vënë nga një pipulë. ‘Po kjo çfarë është’- e pyeta unë i shqetësuar. ‘Është vitamina e përditshme,’- m’u përgjigj qetësisht ajo. Natyrisht që pas 30 vjetësh në atë rrugë ka ecur pothuajse gjysma e botës. Amerikanët janë të parët që fusin gjithçka në modë”, tregon studiuesi.