Rodgers krenar me ekipin e tij

Rodgers krenar me ekipin e tij

Menaxheri i Liverpoolit, Brendan Rodgers, është shprehur i kënaqur me mënyrën se si ekipi i tij luftoi për t’u kthyer në lojë, në derbin e humbur kundër Manchester United me rezultat 2-1.
“Jam krenar me ekipin tim. Mendoj se në pjesën e parë ishim pak të ngutshëm dhe bëmë gabime në pasime, duke iu ofruar raste shënimi Unitedit”.

“Në pjesën e dytë, kur rezultati u bë 2-0, çdokush do të ishte dorëzuar, por lojtarët e mi luftuan shumë për t’u kthyer në lojë dhe mendoj se në pjesën e dytë ndoshta e merituam një pikë nga loja”.

“Asnjëherë nuk është e lehtë kur keni në ekip lojtarë që po debutojnë në Old Trafford dhe po të shikonit ekipin e Unitedit do të shihnit se ata kanë shumë lojtarë me eksperiencë të madhe”, ka thënë Rodgers për SkySports.