“Rrebesh” meteorësh në Rusi

nga **WebMaster** Fri 15 Feb 2013 - 0:05

Banorët e Cheliabinskit, qytet në pjesën jugore të Uraleve ruse u bënë dëshmitarë të një “rrebeshi meteorësh” që për disa minuta ndriçuan qiellin

Shkëmbinjtë e hapësirës, që nisën të digjeshin me të rënë në kontakt me atmosferën përvec spektaklit të dhuruar për banorët vendas, shkaktuan edhe dëme.

Banorët e Cheliabinskut flasin për xhama dritaresh të thyer, alarme makinash të aktivizuara dhe lëkundje të lehta të banesave. Gjurme të meteorëve të rënë mund të shihen në Yekaterinburg, qytezë rreth 200 kilometra në jug-lindje të Cheliabinskit.

Lajmi u konfirmua nga autoritetet ruse. “Një meteor shpërtheu mbi qiellin e rajonit të Cheliabinskut”, deklaroi zëdhënësi i Ministrisë së Emergjencave për agjencinë e lajmeve Interfax, ndërkohë që një banor i zonës tha për Reuters se ishte dëgjuar një shpërthim i fortë në orët e para të mëngjesi të së premtes.

Sipas dëshmive, shpërthimi ishte aq i fuqishëm sa ishin ndjerë lëkundje në një godinë 19-katëshe. Interfax raporton për 4 persona të lënduar nga copëzat e xhamave të thyer.