Viktimizohet Liverpooli

Viktimizohet Liverpooli

Liverpooli është treguar kundërshtar i pafuqishëm në shtëpi të Southamptonit, ku u mposht me rezultat 3-1.
Skuadra vendase ishte stabile nga fillimi deri në fund të ndeshjes duke pasur gjithmonë avantazhin.

Pak minuta pasi filloi takimi (6’), Morgan Schneiderlin i gëzoi tifozët në St. Mary’s Stadium. Rickie Lambert e dyfishoi epërsinë nga goditja e lirë (33’).

Coutinho arriti ta dërgojë topin në rrjet në fund të pjesës së parë (45’+1), për të shpresuar për ndonjë përmbysje të rezultatin në gjysmën e dytë.

Mirëpo, kjo nuk ndodhi. Për më shumë, vendasit shënuan sërish, ndërsa realizues ishte Jay Rodriguez (80’).

Liverpooli mbetet në pozitën e shtatë me 45 pikë, ndërsa Southamptoni ngjitet në pozitën e 15-të.