Ngjashmëria e Obamas me “djallin” (Video)

“The Bible” është një cikël dokumentarësh historikë që transmetohet nga History Channel në Shtetet e Bashkuara e ku rastësisht, personazhi që luan rolin e djallit ka një ngjashmëri të madhe me presidentin amerikan, Barack Obama.
Fillimisht ishin të paktë ata që vunë re ngjashmërinë. Por me kalimin e ditëve dhe me dhënien e serialeve të reja, gjithmonë e më shumë hidheshin foto krahasuese mes shefit të Shtëpisë së Bardhe dhe Satanës së serialit që interpretohet nga një aktor maroken.



Mbështetësit e presidentit e quajtën të mirëmenduar këtë ngjashmëri nga ana e prodhuesve të serialit, por këta të fundit i quajtën këto pretendime si të pakuptimta, njofton Top-Channel.

“Kjo është krejtësisht e pakuptimtë. Aktori që luan djallin në film është Mehdi Ouazanni, një aktor maroken i mirënjohur, i cili ka luajtur në disa role në filma të tjerë më parë, përfshirë këtu edhe rolin e djallit”, thuhet në një deklaratë të Mark Burnett dhe Roma Downey, bashkëproducentë të serialit “The Bible”.

Edhe History Channel, televizioni ku po transmetohet ky serial, shprehu keqardhjen për krahasimin e pavend dhe pa lidhje. Në një komunikatë thuhet se presidenti Obama gëzon respektin më të madh të këtij televizioni dhe se prodhimi i filmit dokumentar është një punë me kastë dhe staf të respektuar ndërkombëtar.

si dy pika uj po sma merr mendja se esht e vertet