Shokuese: Nëntë burra përdhunuan një grua, përderisa burrin e detyronin të shikonte

Një ngjarje shokuese ka ndodhur në Papua New Guinea, kur nëntë burra të armatosur kanë përdhunuar një grua (32) nga SHBA-ja, ndërsa burrin e saj e kishin lidhur dhe e detyronin të shikonte ngjarjen.

Gruaja ishte shkencëtare, e cila kishte ardhur në këtë vend për të hulumtuar disa zogj ekzotik, si dhe ndryshimet klimatike ndaj natyrës. Ajo u sulmua nga personat e armatosur përderisa shëtiste në një mal në ishullin Karkar.
Ngjarja e tmerrshme kishte zgjatur për 20 minuta, pasi që nëntë burrat kishin dëgjuar të vinte dikush dhe kishin ikur. Çifti pastaj u kthye në qytet ku edhe iu dha ndihma e parë.

Ky vend është i njohur për sulmet brutale ndaj grave. Gjatë muajit shkurt të këtij viti, një nënë e re (20) ka qenë e akuzuar se bënë magji dhe e njëjta ishte djegur e gjallë në një fshat, edhe atë në prani të policisë.

e kam lexu diku shum gjynah prz njerez te atill smeritojn tjetojn