Ndeshja e yjeve ne Kosove

nga **An0nim** Wed 12 Jun 2013 - 1:41

Një ndeshje yjesh pritet të luhet të shtunën e 15 qershorit në stadiumin e Prishtinës.
Lojtarët më të mirë që ka nxjerrë Kosova, por që luajnë për Shqipërinë, Zvicrën, Finlandën, Malin e Zi apo vende të tjera, do të mblidhen me nismë të klubit të Prishtinës për t’u ndarë në dy skuadra dhe për të luajtur në orën 20:00 të së shtunës.
Të konfirmuar janë disa nga lojtarët kryesorë si Cana, Berisha, Meha, Dallku, Migjen Basha, Curri apo Ujkani, ndërsa do të jenë edhe lojtarë të Zvicrës si Granit Xhaka dhe Blerim Xhemaili.
Në Prishtinë do të kenë mundësi të luajnë gjithashtu Fatos Beqiraj, shqiptar që luan për Malin e Zi apo Shefki Kuqi, ish-lojtar i Finlandës.
I vetmi në dyshim është Xherdan Shaqiri, i cili mund të pengohet nga impenjimet me klubin e tij, Bajern, sidomos pas një sezoni tepër të ngarkuar ku u fituan Championsi, titulli kampion dhe Kupa e Gjermanisë.
Kjo ndeshje mund të jetë një reklamë për futbollin e Kosovës që pret dhe shpreson për njohje nga FIFA dhe nga UEFA.

nga **LaDescarada** Fri 14 Jun 2013 - 0:34

sa mireeee, ku mund te shoh kete loj??

Ndeshja e yjeve ne Kosove

Ndeshja e yjeve ne Kosove

Re: Ndeshja e yjeve ne Kosove