Zarate: Totti ka marre fund prej kohësh

Lazio, 30 dhjetor - Sulmuesi i talentuar i skuadrës së Lazios, Mauro Zarate ka hyrë plotësisht në atmosferën e futbollit italian, pasi mesazhet “armiqësore” ndaj “armikut” të bardhekaltërve, Francesco Totti, rrjedhin lirshëm nga goja e argjentinasit.
“Flet shume por ka harruar se ka marrë fund prej kohësh. Prej 10 ndeshjesh derbi nuk shënon asnjë gol. Me duket e çuditshme që më sulmon përherë. Unë nuk i përgjigjem dhe bëj atë që duhet të bej, luaj dhe shënoj”, thekson sulmuesi argjentinas.
Zarate nuk ka lënë jashtë vëmendjes edhe gjendjen e vështirë që po kalon skuadra e tij. “Është e çuditshme që jemi kaq larg vendit të parë”, përfundon ai.