Kaka e fton Gerrardin në Real

Leite Kaka ka ftuar kapitenin e
Liverpoolit, Steven Gerrard të vijë në Real Madrid. Braziliani 28 vjeç
ka vlerësuar lart yllin anglez dhe ka thënë se ai ka aftësi për të qenë
futbollist i gjigantit madrilen. “Ai është njëri prej vetëm disa
futbollistëve në botë që kanë aftësi të jenë futbollistë të Real
Madridit”, tha Kaka për Daily Star Sunday.


Gerrard 30 vjeç ende nuk ka vendosur për të ardhmen e tij, pasi
Liverpool përfundoi në pozitën e shtatë në Premierligë sezonin e kaluar.
Pas largimit të Rafael Benitezit nga Anfield Road, Kaka ka ftuar
Gerrardin të “vijë në Real Madrid”.

“Është vendim i
rëndësishëm jo vetëm financiarisht, por edhe rreth objektivave të
ekipit”. Mourinho ishte munduar tri herë të transferojë Gerrardin në
Chelsea, gjatë periudhës së tij në drejtim të klubit anglez. Dhe Kaka u
shpreh: “Jam i sigurt se Gerrard e respekton Mourinhon dhe Madridi do
të ishte vend ideal për të”.