Zbardhet misteri i peizazhit pas “Mona Lizës”

nga **WebMaster** Wed 12 Jan 2011 - 4:35

Gazeta londineze “Telegraph” raporton se Glori ka zbuluar që ura prej guri me tri harqe që është prapa gruas me buzëqeshjen enigmatike çon në drejtim të Bobios, një fshat në afërsi të Piaçencës, në veri të Italisë.
Teorinë e saj ajo e bazon në zbulimin e fundit të një tjetër historiani arti, Silvan Vinceti, i cili ka vënë në dukje numrat 7 dhe 2, të fshehur me mjeshtri në konstruktin e urës.

Glori beson se ato janë dy vitet e fundit të vitit 1472, kur gjatë një vërshimi katastrofik, ishte shembur ura në Bobio. Në shënimet historiografike kjo urë njihet si “Ponte Gobo” apo “Ponte vechio” (Ura e vjetër) dhe ekziston deri në vitin 1472 kur lumi Trebbia doli nga shtrati.

“Leonardo ka shënuar numrin 72 poshtë urës si një kujtim për atë ngjarje”, ka thënë Glori, e cila teorinë e saj e ka paraqitur edhe në librin “Enigma e Leonardos”.

Piktori i njohur, përfaqësues i Rilindjes, u lind në Vincia të Toskanës, por shpesh ka udhëtuar nëpër qytete të ndryshme të Italisë. Ai ka punuar në Venecia, Romë dhe Bolonjë. Da Vinçi filloi të punojë për realizimin e “Mona Lizës” në vitin 1503 ose 1504 në Firence, por këtë vepër do ta përfundonte disa vjet më vonë, pasi do të zhvendosej në Francë me ftesë të mbretit Fransua I.

Shumica e historianëve të artit besojnë se peizazhi prapa “Mona Lizës”, ku shihen fusha e male, është pjellë e imagjinatës së artistit. Por Glori është e bindur se bëhet fjalë për paraqitjen e një vendndodhjeje të caktuar. Piktura e njohur, sot pronë e shtetit francez, në fillim ishte ekspozuar në Pallatin e Versajës, për të kaluar më pas në muzeun e njohur të Luvrit.

nga Amazone Wed 12 Jan 2011 - 10:45

si do te jete kjo pikture eshte dhe do ngelet nje fame e vecante e Davincit nuk ka fjale per te as komente

Zbardhet misteri i peizazhit pas “Mona Lizës”

Zbardhet misteri i peizazhit pas “Mona Lizës”

Re: Zbardhet misteri i peizazhit pas “Mona Lizës”