Meksikania dhjetëvjeçare lindi fëmijë

nga Emona Mon 14 Nov 2011 - 1:43

Vajza dhjetëvjeçare nga Meksiko u bë nënë! Policia e atjeshme po heton rastin, ndërsa dyshohet se vajza është dhunuar.

Meksikania lindi në javën e 31-të të shtatzënisë, ndërsa solli në këtë botë një djalë që peshon vetëm 1.5 kilogramë. Foshnja është dërguar në spitalin e qytetit Pueblo në sektorin e kujdesit intensiv.

Sipas zyrtarëve, vajza e re është liruar nga spitali, por çdo ditë viziton foshnjën e cila është e sëmurë.

Mjekët thonë se foshnja po e merr veten ngadalë.

Policia është duke hetuar rastin për të zbuluar nëse vajza është dhunuar dhe kush është babai i fëmijës.

Sipas ligjit meksikan, nënat e reja nuk guxojnë të abortojnë, përveç në rastet kur janë të keqtrajtuara seksualisht.