Xhemajli kritikon Qeverinë dhe Kuvendin

eputeti i Kuvendit të Kosovës, Emrush Xhemajli ka kritikuar Qeverinë dhe Kuvendin për vonesën e iniciativës së 67 deputetëve për procedim në Kuvend të Projektligjit për plotësimin e Ligjit për Statusin e Familjeve të Dëshmorëve, invalidëve dhe veteranëve të UÇK-së. Xhemajli ka kërkuar nga kryeparlamentari dhe Kryesia e Kuvendit që sa më shpejtë të sillet në procedim në seancën plenare ky projektligj.

Para një viti, ky grup ka marr nismën legjislative për plotësimin e dy amendamenteve që kishin të bënin me të drejtat e familjarëve të dëshmorëve që kanë rënë për liri dhe pavarësi të vendit nga viti 1964 deri më 1991, por sipas tij një gjë e tillë nuk ka ndodhur. Xhemajli gjithashtu është shprehur se ekziston vullneti i mirë nga deputet për shqyrtimin e këtij projektligji por mungon bashkëpunimi.