Oktapodi Paul, i pashitshëm

Prezenca e okatopodit Paul nuk ishte e nevojshme për të parashikuar se si do të
ndodhte gjëja në vijim: Akuariumi i tij në Gjermani të premten ia dha një
oshëtimë "jo" ofertës për ta lëvizur oktapodin e famshëm në Spanjë.

Paul
u bë i famshëm në një akuarium “Sea Life” në Oberhausen gjatë Kampionatit
botëror, pasi qëlloi rezultatin e shtatë ndeshjeve të Gjermanisë në turneun
njëmujor, duke zgjedhur ushqimin në një enë të shënuar me flamurin e fituesit.


Ai gjithashtu saktë parashikoi se Spanja do ta fitojë ndeshjen kundër
Gjermanisë - duke bërë që shumë njerëz nga shteti i tij të spekulojnë se si do
të shijonte i pjekur në skarë me gjalpë hudhre.

Tashmë ai është i
famshëm edhe në Spanjë, pas parashikimit të gjysmëfinalës – Kryeministri Jose
Luis Rodriguez Zapatero ka ofruar të dërgojë një ekip sigurie për të mbrojtur
oktapodin të vjetër 2 vjet e gjysme nga gjermanët e uritur – pasi ai saktësisht
e zgjodhi fituese Spanjën në vend të Holandës në finale.

Paul është tani
aq i famshëm në Spanjë sa që një qytet veriperëndimor i Spanjës është përpjekur
ta huazojë. Zyrtarët në O Caraballino, një vend me një popullsi prej 14 mijë
banorësh, deklaruan se oktapodi është "mik i tyre i nderit" dhe e kërkuan
praninë e Paulit për të promovuar festivalin e ushqimit të detit. Madje, një
biznesmen nga qyteti ka ofruar 30 mijë euro për të blerë Paulin, por sipas
gazetës, “Sea Life” ka refuzuar.

Në përgjigje të qindra kërkesave për të
sjellë Paulin në Spanjë, kopshti zoologjik i Madridit këtë javë ka kërkuar nga
“Sea Life” nëse do pranonte të bënte një marrëveshje për të sjellë atë si një
kontribut për fitoren e ekipit spanjoll të futbollit.

"Ata e sollën
Kupën e Botës, ne e sjellim Paulin", tha zëdhënësja e kopshtit zoologjik Amparo
Fernandez për agjencinë “The Associated Press”.

"Ai është simboli i
këtij kampionati", shtoi ajo.

Ajo tha se kopshti zoologjik ka kërkuar
për Paulin të vijë në baza të përkohshme ose të përhershme dhe ka propozuar
shkëmbim të kafshëve.

Më tej shtoi se asnjë ofertë financiare nuk është
bërë, por se do konsiderohej nëse është e nevojshme.

Megjithatë,
zëdhënësja e “Sea Life”, Kerstin Kuehn, tha se nuk ka asnjë mënyrë që kjo të
ndodhë.

"Nuk merret assesi parasysh shitja ose huazimi i Paulit", tha
ajo përmes një e-maili.

"Pauli do ta gëzojë daljen e tij të merituar në
pension në Sea Life në Oberhausen", theksoi ajo.