Khedira, në shënjestrën e Real Madrid

Trajneri i Real Madrid konfirmoi interesin për mesfushorin e Stuttgart, Sami
Khedira. Jose Mourinho tha se lojtari i kombëtares gjermane, që pati një
paraqitje të mirë në Botërorin 2010 është objektivi i tij i parë për mesfushën e
ekipit spanjoll.
“Nuk do të qëndrojmë në krye të transfertave. Do të vazhdojmë të ndjekim
filozofinë e klubit, duke marrë lojtarë të mirë, me të ardhme dhe që mund të
mësojnë ende. Kështu kemi vepruar me Angel Di Maria, i cili kushtoi vërtet
shumë, 30 milionë euro, por ky lojtar ka një potencial të madh”, tha trajneri
portugez.
Mourinho bëri të ditur se Real Madrid ka nevojë për një mbrojtës dhe një
mesfushor, por blerjet sipas tij duhet të jenë të balancuara dhe jo shumë të
shtrenjta./