Taksitë në Hong Kong me “kuti të zeza”

Rreth 800 taksi në Hong Kong do të marrin së shpejti “kutitë e zeza” për të rritur sigurinë në trafik, shkruan gazeta vjeneze “Standard”.

Pajisja e veçantë për regjistrim, e cila mund të incizojë 32 orë, është e pajisur edhe me alarmin, që aktivizohet nëse dikush përpiqet të plaçkitë vozitësin. Në rast aksidenti, të dhënat e regjistruara në “kutinë e zezë” do të lehtësojnë hetimin.

“Kutitë e zeza”, që mund të blihen me një pagesë prej 280 dollarë të Hong Kongut, do të mbyllen në mënyrë që vozitësit të mos munden të ndryshojnë të dhënat.

Pajisjet instalohen aktualisht vullnetarisht, në kuadër të programit nën patronazhin e Administratës së trafikut të Hong Kongut, në të cilin ka rreth 16 mijë taksi.

qenkan taksi interesante