James firmos me Bristol Cityn

Portieri i përfaqësueses angleze, David James, ka nënshkruar të premten
kontratë njëvjeçare me Bristol Cityn, thuhet në faqen zyrtare të Cityt.
"Kam pasur oferta nga klube të ndryshme të Premier Leagues, por kam
vendosur për Bristol Cityn. Ky klub është ambicioz, prandaj jam këtu.
Jam i njohur me planet e klubit, duam që stinorin e ardhshëm të
promovohemi në Premier League. Jugperëndimi i vendit nuk ka pasur
asnjëherë ndonjë klub në elitën e futbollit anglez dhe kjo duhet të
ndryshojë", ka thënë James. Portieri 39- vjeçar ka kaluar nga
Portsmouthi në Bristol City si lojtar i lirë.