Werderi fillon mbrapsht

Werder Bremen ka pësuar humbje me rezultat 4-1 në fushë të Hoffenheimit, në ndeshjen e parë të sezonit të ri në Bundesliga.

Mbase të lodhur nga ndeshja e mesjavës ndaj Sampdorias, e vlefshme për kualifikim në Ligën e Kampionëve, të zgjedhur e trajnerit Thomas Schaaf dështuan plotësisht në fushë të Hoffenheim.

Në fakt Werderi kaloi në epërsi pas vetëm dy minutash lojë, falë një penaltie të shndërruar në gol nga Torsten Frings, por vendasit u rikthyen shpejt në lojë duke shënuar katër gola dhe duke vulosur rezultatin që në pjesën e parë.

Së pari Demba Ba barazoi në minutën e 20-të, ndërsa tre gola të shpejtë në tetë minutat e fundit të ndeshjes të shënuar nga Peniel Mlapa (37’), Vedat Ibisevic (41’) dhe kapiteni Sejad Salihovic (43’), përmbysën rezultatin.

Nga ndeshjet tjera të Bundesligës, Hannoveri ka shënuar fitore 2-1 ndaj Eintracht Frankfurt, ndërsa St Pauli ka fituar 3-1 në fushë të Freiburg. Koln ka humbur me të njëjtin rezultat, 3-1, në fushë të vet ndaj Kaiserslautern, ndërsa barazimi i vetëm ishte ai mes M’gladbach dhe Nurnberg, që përfundoi 1-1.

Sot më vonë në zhvillohet derbi i Bundesligës mes Hamburg dhe Schalke.