Herculesi i fortë për Barcelonën

nga **Binni** Sat 11 Sep 2010 - 7:37

Skuadra e promovuar sivjet në La Liga, Hercules, ka arritur që të shkaktojë befasinë e parë sensacionale, pasi që e mposhti me rezultat 2-0, kampionin aktual të Spanjës, Barcelonën, midis Camp Nou.

Barcelona si zakonisht e pati posedimin e topit në të mirë të saj, por siç na ka treguar edhe Jose Mourinho në të kaluarën, këtë e tregoi edhe Herculesi sonte – ndeshjet nuk fitohen me posedim të topit.

Pas një harkimi të Royston Drenthes, përsëri del në pah i vjetri Victor Valdes që me një gabim shërben sulmuesin paraguaian, Nelson Valdez, që natyrisht se nuk e lëshoi rastin për të shënuar për 1-0 dhe qetësinë në Camp Nou (27’).

Pas një depërtimi të Tiago Gomesit, ishte ky i fundit ai që lansoi një harkim të ulët në drejtim të Nelson Valdezit, që realizoi dhe golin e tij të dytë në këtë takim (59’).

Herculesi ka mundur edhe ta deklasojë Barcelonën po që se do ta shfrytëzone David Trezeguet një rast të qind për qindët, pak minuta pa përfunduar takimi.

Kjo disfatë e Barcelonës na tregon edhe njëherë se ky ekip nuk është i pamposhtshëm dhe se dalëngadalë po i vie fundi, ndërsa është çështje kohësh kur do të rrëzohet nga maja e futbollit botëror.