Ky është Interi i vjetër!

nga **Binni** Sat 11 Sep 2010 - 7:40

Interi trajnerin e ndërron, po zakonin se harron! Nerazzurët kanë arritur të shënojnë fitore të vështirë, por mjaft të rëndësishme ndaj Udineses në Meazza, me rezultat 2-1.

Interi ishte ekipi më i mirë në fushë dhe mund të themi se e ka mposhtur Udinesen në pothuajse çdo statistikë, përpos asaj të realizimit të golave.

Lucio zhbllokoi rezultatin pas shtatë minutash lojë për 1-0 dhe gëzimin në Meazza. Përgjigja e mysafirëve nuk vonoi dhe Antonio Floro Flores barazoi shifrat në 1-1 dhe heshtjen e Nerazzurëve.

Ishte Samuel Eto’o ai që përsëri doli në skenë në momentet më të vështira për të shënuar golin e fitores dhe rezultatin përfundimtar 2-1.

Interi me këtë fitore rikthehet fuqishëm në skenën e elitës së futbollit italian Serie A, pas një starti të dobët ndaj Bolognas javën e kaluar.