ZYRAT\Itali dhe Greqi,sa do te kushtoj pasaporta e nje emigranti..

Tiranë/ 15 Shtator - 90 euro do t’i kushtojë cdo emigranti në Itali dhe Greqi pajisja me pasaportë biometrike pa qenë nevoja për t’u kthyer në atdhe. Pasi i dha ‘ok’ në komisionin e ligjeve, Kuvendi do të miratojë projektin që i jep mundësi shqiptarëve në Athinë, Selanik, Romë dhe Milano që të aplikojnë në zyrat konsullore për dokumentin e identitetit.
Të dhënat e tyre do të kalojnë me postë diplomatike në Tiranë dhe pas 2 javësh po me postë do të marrin pasaportën. Projekti do të shtrihet dhe në shtete të tjera dhe sipas zv/ministrit të Brendshëm, Ferdinand Poni, nuk do të ketë kosto për vendin. “Nuk mbulohet me kostot paraprake, por që të fillonte të lëvizte donte 56 mijë euro. Ka ngelur në kontratë me efektin e rimbursimeve nëse do të dalin me humbje. Është plotësisht e realizueshme” tha Poni.

Por deklarata e zv/ ministrit duket se nuk ka bindur socialistët, të cilët abstenuan në komision, por konfirmuan votën pro në seancë nëse rishqyrtohet çmimi. “Sot po mbetemi me një abstenim me shpresën që nëse ju do të jeni të qartë në kuvend të mund ta votojmë pozitivisht” tha Fatmir Xhafa. “Vetëm nga një llogari e thjeshtë e bërë në një vit ky biznes del 40 milionë euro. Një mijë për cdo muaj, 12 mijë, herë 85 pa TVSH- 40 mijë euro të cilat ia faturojmë shqiptarëve” tha Damian Gjiknuri.