Zbulohen 5 skulptura romake në Baldushk

Pesë monumente mortore romake gati 1700 vjecare janë zbuluar në fshatin Baldushk të Tiranës. Ka qenë një banor, Besnik Bali, i cili teksa punonte tokën e tij bujqësore ka hasur objektet arkeologjike. Specialistët e Institutit të Arkeologjisë shpjegojnë se monumentet në përmasa mbi 1 metër viheshin si kapakë ose si mbulojë e varreve.

Specialistët e Institutit të Arkeologjosë, kanë thënë se katër prej këtyre objekteve janë monumente mbivarrore të shekujve 3-4 të erës sonë. Të pesta zbulimet janë skulptura që i takojnë shekujve të 3-të dhe të 4-t të erës sonë dhe i përkasin periudhës romake. Gazeta Shqiptare publikoi sot fotot e zbulimeve të reja të siguruara nga Qendra Kombëtare e Inventarizimit të Pasurive Kulturore. Specialistët thonë se pesë objektet janë të një niveli të lartë artistik dhe gjetja e tyre në Tiranë tregon se zona ka pasur në periudhën romake një zhvillim të madh urban.

interesante kto