Fermeri gjerman hap pompë qumështi

Duke marrë inspirim nga pompat e karburanteve, një fermer gjerman, me qëllim të përmirësimit të afarizmit, erdhi në ide që të hapë “pompë qumështi”.
Pompa “Milchtankstelle” gjendet në qytezën Neunkirchen, 30 kilometra larg Kelnit, dhe punon 24 orë në ditë, shtatë ditë në javë, pra pa pushim.
Nga makinat prej çelikut të paoksidueshëm, të cilat me qumësht i mbushin 87 lopët e tij, blerësit mund të marrin qumësht në enër që i sjellin me vete apo në shishe të blera në këtë pikë të shitjes së qumështit.
Sasia nuk është e kufizuar, kurse çmimi i një litri është 70 centë për një litër.
“Para se të hapja pompën kam pasur vetëm disa myshterinj, ngase ata duhet të vinin në kohë të mjeljes së qumështit, gjë që paraqiste problem”, tha pronari i kësaj pompe unike Bruno Schtauf për agjencinë Reuters.
“Tashti mund të blejnë qumësht në çdo kohë”, shtoi ai i kënaqur.
Schtauf vendosi të hapë pompën sepse ishte i pakënaqur me çmimin grumbullues të qumështit. “Qe gjashtë muaj marrim vetëm nga 20 centë për një litër, kështu që u detyrova të ndërmerrja diçka”, tha ai.
Qumështi i tij është më i shtrenjtë se në disa supermarkete, por ai tha se kjo shpaguhet.
“Ky qumësht ka më shumë proteine dhe yndyrë qumështi se ai i përpunuari që shitet nëpër rafte të supermarketeve”, sqaroi ky fermer 55-vjeçar.
Ai për këtë pompë ka investuar 12 mijë euro, por shprehet i sigurt se ky investim afatgjatë do t’i shpaguhet.
“Myshterinjtë vijnë madje edhe nga Kelni për të blerë qumësht nga pompa ime, thotë ai me krenari dhe shton se njerëzit gjithnjë e më shumë dëshirojnë të pinë qumësht të freskët.

po cpo ndodh valle me keta njerezit e sotshem?