“Peugeot” më 2011 ndërpret prodhimin e modelit 206

Prodhuesi francez i automjeteve “Peugeot” ka vendosur që nga fundi i vitit 2011 të ndërpret prodhimin e modelit “Peugeot 206” në Evropë për shkak të ndryshimit të legjislacionit, por montimi i tij, siç pritet, do të vazhdojë në Amerikën Jugore, Kinë dhe Iran, njofton autoportali “Autocar”, duke iu referuar burimeve nga kjo kompani.

“Peugeot” u ka ofruar blerësve modelin 206 në vitin 1998, si zëvendësim për modelin 205. Mirëpo, edhe kompania është befasuar me mirëpritjen e këtij modeli, i cili u bë vetura më e shitur e Peugeot, duke arritur që brenda tetë vjetëve të shiten mbi 5 milionë copë.